KORONADAL CITY- Nagalaum ang mga Muslim, Lumad kag Kristyano nga masolusyonan na ang madugay na nga kinagamo sa isla sang Mindanao tuga sa gihapon sang social injustices, pagkainteres sa gahum, rebelyon kag sala nga interpretasyon sang maragtas sa pungsod.
Sa ekslusibo nga interbyu sang Bombo Radyo Koronadal kay Baz Camendan, Vice Chairman sang Mindanao Peace Development, ginpahayag sini nga sa ginpatigayon nga Bangsamoro Assembly sa Brgy. Simuay Sultan Kudarat, Maguindanao sa pagpanguna ni Pres. Rodrigo Duterte, mga moro leaders kag nagkalain-lain nga sektor nagalaum sila nga mahangpan nila sang husto ang content sang BBL nga may tinutuyo nga mapaayo ang kabuhi sang mga taga Mindanaon sa patas nga paagi kag equal nga serbisyo para sa tanan agud nga mas magsanyog ang ekonimiya sang pungsod.
Gin-awhay naman sini ang mga kristyano nga indi magpati sa mga wala kamatuuran nga mga impormasyon nga nagaguba sa Bangsamoro Basic Law kag dapat nga hangpon ang kaundan sini.
