Duha patay, isa pilason sa pagbungguanay sang motorsiklo

KORONADAL CITY-Patay ang duha ka driver sang duha ka motorsiklo matapos nga magbungguanay sa La Esperanza, Tulunan, North Cotabato.

Ginkilala ang mga napatay nga sanday Dalton James Javier, 18-anyos, 3rd Year Veterinary Medicine student kag residente sang Tacurong City kag isa ka Antonio Tumaob, 61-anyos, residente sang Tibao, Mlang, North Cotabato.

Magluwas sa duha, pilason naman ang misis ni Tumaob kag subong padayon nga nagapaayo.

Suno sa Tulunan PNP,padulong sa Mlang si Tumaob samtang si Javier ang padulong sa Tacurong City kun sa diin magkasubong nga ginkulang sang tyansa rason nga nagbungguanay.

Nahibaluan nga may dala pa nga manok ang vetmed student para kuntani sa ila laboratory .