KORONADAL CITY– Nagapangasubo subong ang pamilya sang isa la seaman nga gikan sa South Cotabato matapos maulamid sa isa ka aksidente sa iya trabaho samtang nakadungka sa isa ka Finnish harbor ang inasakyan sini nga barko.
Base sa impormasyon, ang biktima ginkilala kay Nikko Dave Maria Necosia nga residente sang Polomolok, South Cotabato, isa ka deck officer sa Dutch freight Lady Christina.
Suno sa Konsulada sang Pilipinas sa Finland nga si Necosia ang napatay sa harbor accident sa seaport town sang Rauma, 352 kilometros gikan sa Helsinki.
Dugang pa sini nga naipit suno pa ini sang closing hatch covers sang barko sa Rauma harbor.
Kaangot sini, ginahimo na suno pa sang embahada ang ila ikasarang agud mapadasig ang repatriation sang bangkay sang nasambit nga biktima nga amo ang concern sang nabilin nga pamilya.
Samtang nagapadayon naman ang imbestigasyon sang mga otoridad sa kamatayon sini ilabi na nga pila sa mga kaupdanan sini ang duda nga may foul play sa nasambit nga insidente.
