KORONADAL CITY- Ginalauman nga makaangkon na sang maayo nga disposisyon sa problema makaligad nga nagpatunga na ang National Commission on Indigenous People o NCIP sa nagalala nga agawanay sang duta sa B’laan tribe kag sang isa ka Eric Jumilla sa Brgy. Saravia syudad sang Koronadal.
Nahibaluan nga una nga nagpalapit sa Bombo Radyo Koronadal si Leonila Simpal halin sa B’laan tribe matapos ginreklamo sini si Eric Jumilla nga nagtaya sa iya sang armas luthang kag nagpamahog sa ila suno pa nga kabuhi butang naman nga ginkontra sang kampo ni Jumilla bangud sila suno pa ang may uyat sang titulo.
Bangud sa nagalala nga tensyon nagpatunga na ang NCIP agud masolusyunan ang problema agud malikawan ang pagdanak sang dugo bangud sa nasambit nga problema.
