KORONADAL CITY- Mismo nga si South Cotabato Governor Daisy Avance-Fuentes na ang nanawagan sa mga komunista kag rebelde nga New People’s Army pinaagi sa Bombo Radyo Koronadal nga magpanaog na ang mga rebelde sa kabukiran kag makig-angot na sa militar agud malikawan nga magdamo pa ang kabuhi nga mauyang sa tion nga magsugod na ang intense military operation batuk sa ila makaligad tigayon na nga ginsarado ni Pres. Rodrigo Duterte ang peace process tunga sang NPA kag gobyerno.
Suno sa gobernadora, ginalauman na sini nga mangin madugo ang gyera batuk sa rebelde nga grupo ilabi na kag nahatag na ang tanan nga sarang mahatag sang gobyerno agud maduso ang kalinong apang wala sang nagluntad tubtob napuno na si Pres. Duterte.
Kaangot sini, nagpanawagan man ini sa sa mga opisyal sa probinsya nga nagasuporta sa NPA nga magsungka ukon mag untat na kag isalbar ang probinsya bangud indi na masarangan pa sang South Cotabato nga mag eksperyensya sang panibag-o nga kinagamo ilabi na nga tuman ka negatibo ang epekto sang gindeklarar nga Martial Law kun sa diin nag-atras suno pa ang mga investors kag gindugangan pa sang wala tuo nga pagpangsunog sang bus kag extortion activities sang NPA nga ginkatibsok sang ikinalugmok ekonomiya.
