KORONADAL CITY- Gin ako sa Bombo Radyo Koronadal ni 2nd Lt. Radjan Palacio, tigpamaba sang 27th IB, Philippine Army nga nagdamo ang New Peoples Army ukon NPA surrenderee sa ila hubon bangud sa Bombo Radyo Koronadal.
Sa interbyu sang Bombo Radyo kay Lt. Palacio, ginpahayag sini nga nag ako suno pa ang mga nagsungka nga NPA nga nagapamati sila sa Bombo Radyo kag diri nabatian nga nagsungka na ang ila mga kaupdanan rason nga nagsunod na ang iban.
Suno kay Palacio, subong nga tuig, naglab-otn na sa napulo ang NPA surrenderee diri lamang sa South Cotabato partikular na sa mga banwa sang T’boli kag Lake Sebu.
Dugang sini nga ginpahayag sang mga nagsungka nga rebelde nga aga pa lamang nagabantay na sila sang mga balita sa mga nabukid rason nga naengganyo man ang iban nga magsungka nalang bangud napamatud-an nga ang ginahambal sang mga militar sa waragwagan nga wala nila ginasakit ang mga nagasungka sa baylo ginarespeto ang ila kinamatarong.
Kahapon nadugangan ang nagsungka sa Saranggani nga mga residente man sang South Cotabato.
