KORONADAL CITY– Gindayaw kag ginahangaan ni South Cotabato 2nd District Representative kag Deputy Speaker for Mindanao Atty. Ferdinand Hernandez ang bag-o lamang nagtakop nga Association of Southeast Asian Nations ukon 31st ASEAN Summit.
Sa interbyu sang Bombo Radyo Koronadal, ginpahayag sini nga makit-an nga preparado ang Duterte administartion sa hosting sang ASEAN summit bangud humalin sa pagsugat sa mga world leaders, gala night, bilateral meetings kag tubtub sa closing ceremony manami ang nangin resulta.
Wala man suno pa sang napagkit nga mga problema sa pihak sang mga malapnagon nga hublag protesta rason nga kun siya ang pamangkuton “very good” umano ang iya sabat sa hosting sang Pilipinas.
Samtang, kasubong suno pa sang ginalauman malipayon ini bangud natalakay ang mga world issues kasubong na lamang sang terorismo kag mangin ang kooperasyon sang kada pungsod.
