KORONADAL CITY-Kumpirmado suno pa ang Islamic State of Iraq and Syria (ISIS) recruitment sa Probinsya sang Sultan Kudarat.
Ini suno pa ang ginkumpirmar ni Sultan Kudarat Police Provincial Director Police Sr. Supt. Raul Supiter.
Suno kay Bombo Correspondent Larry Geronio, nagpaguwa sang kamanduan ang Sultan Kudarat PNP nga mas pahugtan pa ang seguridad sa nagkalain lain nga banwa sa Sultan Kudarat kasunod sang nasambit nga impormasyon.
Magluwas diri, may impormasyon man suno pa nga may mga narecruit na sa probinsya mangin sa probinsya sang Maguindanao kag sa Sultan Kudarat ginadala agud diri ipatigayon ang ila paghanas.
Wala naman ginakumpirmar sang opisyal kun sa diin partikular nga banwa ang ginasiling nga tarining camp sang ISIS sa Sultan Kudarat.
Kaangot sini, nagpahanumdum ini sa anan nga mga residente nga mangin vigilante kag gilayon magsugid kun may pinasahi nga nagakalanabo sa ila lugar.
