KORONADAL CITY– Bogbog sarado ang naangkon sang magpakaisa nga pulis kag soldado matapos suno pa nga kadlawan ang isa ka dancer sang club sa Koronadal City kag gin-indian ang babayi nga ka table kuntani sang mga ini.
Ginkilala ang magpakaisa nga sanday PO1 Loren Mark Sumodio nga nakadestino sa Lutayan, Sultan Kudarat PNP, pakaisa sini nga isa ka Philippine Marine nga si Jayson Daniel nga magkasubong nga residente sang Brgy. San Jose, Koronadal City.
Magluwas sa magpakaisa kaupod man sang mga ini ang ila hinablos nga si Aljun Salario, 20 anyos.
Sa nakuha nga impormasyon sang Bombo Radyo, nagkadlawanay suno pa ang tatlo kag indi nila luyag ang ila babayi nga ka table kuntani sang mga ini kadungan sang pagkompronta sa guwardiya sang nasambit nga club kun ginadilian ang magkadlaw bangud may yara na sang paglalis.
Makaligad sang pila ka oras, naghalin na lamang ang mga iini bangud nahalata na nila nga sila ang gina initan sang mga tawo sa club.
Apang saa gawas, diri na sila gintambangan sang wala naganubo sa napulo nga kalalakihan kag ginbuligan sila nga kulatahon.
Diri wala na suno pa sang nahimo ang pulis kag soldado bangud yara na sa impluwensya sang makahulubog nga ilimnon.
Nakaangkon sang pilas sa nagkalain lain nga parte sang lawas ang tatlo samtang malala naman ang naangkon ni PO1 Somudio bangud sa naangkon nga pilas sa ulo sini nga natalana nga ipa CT Scan.
Sa subong ginahibalo pa sang mga otoridad sin-o ang mga suspek sa pagpangulata sa tatlo.
