KORONADAL CITY -Boluntaryo nga nagsungka sa Koronadal City PNP ang pulis nga nagtiro patay sa isa ka mister sa Brgy. San Isidro, Koronadal City.
Madumduman nga gintiro patay ni PO3 Jan-Jan Ribete nga nakadestino sa Lutayan, Sultan Kudarat si Renato Los Bañes bangud lamang suno pa sa pagsaway sini nga wala ini sang soksok nga bayo apang nagpalag ang mister nga yara sa impluwensya sang makahulubog nga ilimnon.
Una sini, personal nga nagpadulong sa waragwagan sang Bombo Radyo Koronadal ang misis ni Los Bañnes nga si Ginang Nenita Los Bañes agud ipanawagan nga magpakita ang pulis nga nakapatay sa iya mister.
Depensa naman sang pulis nga self defense lamang suno pa ang ginhimo sini matapos nga nagmaoy ang hubog nga mister kag hana siya nga labuon.
Sa subong nagapangatubang na sang kaso ang nasambit nga pulis.
