KORONADAL CITY – Ginsulod sang gintingob pwersa sang Regional Intelligence Division 12, Sultan Kudarat Police Provincial Office kag Senator Ninoy Aquino PNP ang puluy-an sang amay sang kasamtangan nga alkalde sa banwa sang SNA, Sultan Kudarat pasado alas 4 kaina sang kaagahon.
Nakuha sa puluy-an ni Rodolfo Ecija ang madamo nga armas nga ginalakipan sang napulo nga M16 rifle; apat nga M14 rifle; duha ka carbine; isa ka cal. 30; machine gun; tatlo ka kalibre 45; granada kag iban pa.
Ini ang ginkumpirmar mismo ni PSSUPT Raul Supiter, provincial director sang Sultan Kudarat sa interbyu sang Bombo Radyo Koronadal.
Dugang pa sini nga madamo sang private army ang amay sang alkalde rason nga madamo ini sang armas.
Sa subong wala pa sang pahayag ang alkalde sa nasambit nga banwa nga si Mayor Randy Ecija matapos nga maraid kag nakuhaan sang madamo nga armas ang amay sini.
