KORONADAL CITY– Liwat naman nga nagpang atake ang mga kawatan sa syudad sang Koronadal matapos nga nadiskubrehan nga ginransak sang wala pa makilal-an nga suspek ang Manolette Bakeshop nga yara sa Koronadal City Public Market.
Sa interbyu sang Bombo Radyo Koronadal sa isa sa mga baker sini nga si Dennis Sevilla,ginbuksan sini pasado alas 5:00 kaina snag kaagahon ang bakeshop kag nakit-an ang naglapta nga gamit kag marka sang dugo sa salog.
Diri suno pa ginkulbaan siya kun ano ang natabo rason nga gintawagan sini ang iya mga kaupdanan .
Diri nahibaluan nga nakuha ang kwarta nga nagakantidad sang P17,400 kag duha ka pack sang “milo”.
Suno kay Dennis, posible nga kaagahon snag ginpatigayon ang pagpangawat kun sa diin dako ang pagpati sini nga bata ang nagsulod bangud s abuo sang roll up door nila nga tuman kadyutay.
