KORONADAL CITY- Ginbatak na sa red alert status umpisa subong nga adlaw ang Probinsya sang South Cotabato kun sa diin nakadeploy na sa nagkalain-lain nga sementeryo ang mga kapulisan.
Ini agud nga mapreparahan indi lamang suno pa ang ginalauman nga pagdagsa sang mga tawo sa sementeryo apang mangin ang posible nga pagpanabotahe sang mga rebelde nga grupo.
Una sini, ginpahayag ni South Cotabato PNP Provincial Director Sr/Supt. Franklin Alvero, nga una na nga namonitor nga may mga plano ang New Peoples Army nga magpanggamo ilabi na bangud nahibaluan sang mga ini nga masako ang mga otoridad.
Apang ginpahayag ni Alvero nga indi nila pagapasugtan ang ini nga mga insidente rason nga ginpahugtan pa ang pagbantay sa mga matawo nga lugar sa probinsya.
Kun madumduman, ginaangot ang pagpatay sa isa ka pulis sa South Cotabato sa New Peoples Army nga gintiro patay sang riding in tandem kag ginkuha pa ang issued firearm sini.
