KORONADAL CITY-Ginkakibot sang isa ka basurero ang nakit-an nga bangkay sang isa ka lapsag nga ginsulod suno pa sa pula ka sako kag nagalutaw-lutaw sa sapa sa bahin sang Navarro St., Barangay GPS, Koronadal City pasado alas 9:00 subong nga aga.
Sa interbyu sang Bombo Radyo Koronadal sa nakakita nga si Franklin Veles, residente sa nasambit nga lugar kag isa ka basurero, ginpahayag sini nga iya nakita ang nagalutaw lutaw nga sako kag iya ginkuha sa pagpati nga mga plastic ang unod sini.
Apang sang ginbuksan sini ang sako, ginkakibot sang nakit-an ang isa ka lapsag nga sang una abi sini isa ka manika apang sang gintilok,nakamuklat pa ang mata sang bata kag nagaguwa na suno pa ang mga kaundan sini kag indi na manami ang baho sini.
Nagapati naman si Franklin nga indi bag-o bun-ag ang lapsag banngud wala na sang nakakabit nga ambilical cord.
Sa subong ginkuha na ini sang mga otoridad samtang padayon nga gina-imbestigaran kun sin-o ang responsable sa paghaboy sa bata sa nasambit nga sapa.
