KORONADAL CIY – Posible suno pa nga mapauntat kag mabuhinan ang mga kritiko ni Pangulong Rodrigo Duterte sa pagpungko ni Deputy House Minority Leader Harry Roque bilang presidential spokesperson.
Ini ang panan-awan ni South Cotabato Governor Daisy P. Avance Fuentes bilang reaksiyon sa pagdesignar ni Pangulong Duterte kay Atty. Roque sa posisyon.
Suno sa Gobernadora, si Atty. Roque ang may “combating” personality kag mabaskog nga karakter kun ikumparar kay outgoing presidential
spokesperson Ernesto Abella nga soft spoken rason nga mahimo mahadlok nga magpaguwa na sang mga negatibo nga pahayag ang mga ini batuk sa pangulo sang pungsod.
Nagapati man si Fuentes nga may nakita ang pangulo kay Roque nga amo ang nangin basehan sini sa pagpili sa bag-o nga presidential spokesperson.
Apang, aminado ang gobernadora nga mas pabor kuntani siya kay Abella bilang spokesperson bangud makabig ini nga counter balance labi na sa mga mabug-at nga pronouncement sang pangulo.
