KORONADAL CITY- Ginkalipay ni South Cotabato Governor Daisy Avance-Fuentes ang pagpasira sang ginapatihan nga revolutionary school ukon buluthuan nga ginapadalagan suno pa sang New Peoples Army sa Brgy. Lam Afus, Banga, South Cotabato.
Ini matapos nga nadesisyunan nga sa ginpatigayon nga dayalogo indi legal kag wala ini ginakilala sang Department of Education bangud wala ini sang permit.
Sa interbyu sang Bombo Radyo Koronadal kay Gov. Fuentes, ginpahayag sini nga dapat lamang ang ginhimo nga pagpasara sa nasambit nga buluthuan ilabi na bangud nahibaluan nga ang mga estudyante sini ang gikan pa sa iban nga nga probinsya rason nga makatiringala.
Dugang pa sang Gobernadora, nga mismo ang mga militar ang nagreport sa iya angot sa nasambit nga revolutionary school rason nga gilayon ginmando nga imbestigaran ini.
