KORONADAL CITY– Ginpaandaman ni 33rd IB, PA BatCom Lt. Col. Harold Cabunoc ang anay kaupdanan nga suldado nga si Ranger Roque Norba ukon subong si Kumander Macmac sang New Peoples Army.
Ini matapos nga padayon suno pa ang pagpanonto sini ilabi na sangn mmga nabukid nga bahin sang Sultan Kudarat agud nga mag intra sa ila grupo kag magpanggamo sa lugar.
Kaangot sini, ginpahayag ni Cabunoc nga malapit na nga matikma si Ka Macmac bangud indi maga untat ang mga suldado sa ila combat operations nga rason man suno pa sang pagsungka sang 18 NPA members sang damlag lamang.
Sa pakig-storya ni Cabunoc sa mga nagsungka nga NPA, ginpahayag nila nga sila ang ginpromisahan nanday Ka Macmac kag Ka George nga kun magsulod bilang NPA, ila makuha ang ila ancestral land.
Pahayag pa sang mga nagsungka nga NPA nga nagdesisyon sila nga magsungka bangud ila nakit-an nga wala sang pulos ang pagpakigbato sa Gobyerno.
Nahibaluan nga isa sa mga nagsungka ang child warrior nga 16 anyos.
