KORONADAL CITY– Emosyonal nga nagpangayo sang bulig ang iloy sang isa ka Pinay Domestic Helper sa Saudi Arabia matapos mahibaluan nga ginamolestiya ang bata sini.
Sa ekslusibo nga interbyu sang Bombo Radyo Koronadal ginkilala ang bata sini nga si alyas Aisa, 38 gikan sa syudad sang Koronadal kag mag isa a tuig pa lamang sa iya trabaho bilang isa ka domestic helper.
Nagpabulig suno pa ang bata sini bangud makapila ka beses na ini nga ginabastos sang iya amo nga lalaki nga si Fasail Muhammad kun sa diin ginagakos ini kag ginapakitaan sang kinatawo kag hana man nga sudlon sa iya kwarto kag hanaon nga luguson.
Nahadlok suno pa ini nga magsugid sa iya ama bangud posible nga baliskadon ang sitwasyon kag mas initan ini.
Sa subong nagakabalak ang iloy sini bangud pila ka beses naman sila nga nakig-angot sa iya ahensya nga Tesman General Services nga nakabase sa Metro Manila apang wala sa gihapon sang aksyon agud nga ma rescue ang nasambit nga Pinay DH.
Nagalaum naman ini nga sa pakig angot sa Bombo Radyo kag kay Bombo Correspondent Bombo Boyet Forro, maluwas ang nasambit nga OFW.
