KORONADAL CITY– Nagakabalaka subong ang mga local fish farmers sa banwa sang Lake Sebu, South Cotabato bangud sa panibag-o nga fish kill nga napagkit tuga sang malain nga paniempo.
Sa interbyu sang Bombo Radyo Koronadal kay Lake Sebu, Municipal Agricuturist Zaldy Artacho, bangud sa napagkit nga fish kill gilayon nga nagpatigayon sang force harvest ang mga fish cage operators antes paman nga magdako ang damyos sa ila isdaan.
Nahibaluan nga nagsugod ang fish kill dahil sa naeksperyensyahan malain nga paniempo humalin pa sang nagliligad nga inadlaw kag gulpi nga pag init rason nga naganubo ang lebel sang oxygen sa lake.
Sa subong ginahibalo pa ang kabug-usan nga damyos sa fish kill kun sa diin ginakabalak-an nga masulit ang pinakamalala nga fish kill sang bulan sang enero nga nagbilin sang minilyon nga pagkalugi sa mga fish farmers sa South Cotabato.
