KORONADAL CITY– Natalana nga ipresentar sang militar ang 18 ka myembro sang New People’s Army gikan sa nabukid nga bahin sang Senator Ninoy Aquino , Sultan Kudarat nga nagsungka kahapon.
Nahibaluan nga kadungan sang pagsungka nila ginsungka man ang ila mga armas kag mga eksplosibo kay 1st Lt. Austin John Jamora, ang Commanding Officer sang Alpha Company sang 33rd IB, PA, kay SNA Mayor Randy ‘Junjun’ Ecija Jr.
Suno sa mga nagsungka nga rebelde, nagbalik sila sa gobyerno bangud sa kahadlok nga mapatay sa ginapatigayon nga massive combat operations batuk sa communist terrorists.
Sa subong yara na sa kustodiya sang militar ang ga ini kag wala suno pa sang ginahinulsulan sa ila desisyon nga magsungka ilabi na bangud nangin maayo ang pagtratar sang tropa sang gobyerno sa ila kag ginrespeto ang ila kinamatarong.
Nahibaluan nga ang asud-asud nga pagsungka sang mga rebelde ang bangud sa kooperasyon sang nagkalain-lain nga ahensya.
