KORONADAL CITY-Nagapabilin sa gihapon nga nakaalerto subong ang banwa sang Kalamansig, Sultan Kudarat matapos ang naeksperyensyahan nga storm surge bangud tubtub subong indi sa gihapon suno pa masiguro kun luwas na ang lugar.
Kaangot sini, may mga residente sa gihapon nga nagapabilin subong sa mga temporary shelters matapos ang coastal flood.
Sa ginpaguwa nga datus sang lokal nga gobyerno, naglab-ot na sa 509 families ukon katumabas sang halos 2,000 indibidwal ang apektado sang kalamidad.
Magluwas diri naglab-ot sa 39 ang totally damage nga puluy-an kag 123 naman ang partially damage.
Maswerte naman nga wala sang casualty ukon nasakitan sa insidente bangud sa madasig nga aksyon sang LGU sa ginpatigayon nga massive evacuation.
Samtang padayon nga nagapanwagan ang MDRRMC nga ipabilin nga mangin alert ilabi na bangud naka eksperyensya sa gihapon sang malain nga paniempo ang banwa.
