KORONADAL CITY- Madamo sang anggulo nga ginalantaw ang Norala PNP angot sa bangkay nga nasapwan sa Prk. Aquino Brgy. San Miguel Norala, South Cotabato.
Sa ekslusibo nga interbyu sang Bombo Radyo Koronadal kay PCI Condrado Jovero, hepe sang Norala PNP ang biktima amuh si Mary Joy De Pedro, 41 anyos masahista kag residente sang Brgy. Poblacion Sto. Niño South Cotabato.
Sa inisyal nga imbestigasyon sang mga otoridad naglisensya lang suno pa ang biktima nga magpamasahe sa syudad sang Koronadal apang wala na ini nakakontak pa sa iya nga live in partner.
Pagka aga sang masapwan ang bangkay sini sa isa ka surudlon nga bahin sang Prk. Aquino Brgy. San Miguel Norala, South Cotabato kun sa diin may yara ini sang igo sang bala sa bahin sang iya nga mata nga nangin tunaan sang iya nga kamatayon.
Narekober naman ang empty shells sanng cal. 9mm nga armas nga gin-usar sa biktima.
Sa subong ginahibalo pa ang motibo sa pagpatay sa nasambit nga masahista apang pahaayg ni PCI Jovero posible kilala lang sang biktima ang naghimo sang nasambit nga krimen.
