KORONADAL CITY- Malipayon nga nagpasalamat ang isa ka Pinay Domestic Helper sa Bombo Radyo Koronadal bangd nakapauli na ini sa Pilipinas makaligad nga ginkulata sang iya nga amo sa pungsod Kuwait.
Kun madumduman ang pamilya sang Overseas Filipino Worker nga si Lovebord Defensor Faja ang nakig-angot sa waragwagan sang Bombo Radyo Koronadal agud buligan ini nga makapauli sa pungsid bangud ginasakit ini sang iya nga amo kag ginapreso.
Gilayon naman nga nagpakig-angot ang Bombo Radyo Koronadal pinaagi kay Bombo Correspondent Boyet Forro sa Philippine Overseas Labor Office o POLO-OWWA sa Kuwait agud matutukan ang problema sang nasambit nga Pinay Domestic Helper.
Makaligad nga ginreport ang kahimtanga nsini gilayon ini nga narescue sa kamot sang iya abusado nga amo kag ginproseso ang iya pagpuli sa pungsod.
Sa subong yara na ini sa Pilipinas kag malipayon na nga magkaupod sila sang iya nga pamilya.
Laygay naman sini sa mga kasubong nga mga Pilipino nga luyag nga mag-abroad nga siguruhon nga ang agency nga pagasudlan ang may labot sa ila mga kliyente indi kasubong sang iya agency nga M’nahi agency nga sa baylo nga buligan kag i-rescue sya ini ang ginsugo pa nga magpalagyo butang nga posible nagpalala pa sa sitwasyon sang nasambit nga OFW.
