KORONADAL CITY- Ginbuyagyag ni Philippine Drug Enforcement Agency PDEA-12 regional director Gil Cesario Castro nga miyembro sang isa ka dako nga drug ring sa soccsksargen ang narco-businessman nga si Alvin Keith Valerio nga naarestar sang pwersa sang PDEA-12 sa Antipolo subdivision sa syudad sang Koronadal.
Sa ekslusino nga interbyu sang Bombo Radyo Koronadal kay PDEA-12 directpor Castro, miyembrp ang nasambit nga suspek sang El Patron Drug Group nga isa ka grupo ang mga dalagkuan nga drug lords sa probinsya.
Nahibaluan nga ang El Patron Drug Group ang ginakabug-usan sang mga drug pushers nga naga operate sa region 12 partikular na sa mga probinsya sang South Cotabato, Gensan kag Sultan Kudarat.
Dugang pa ng si Valerio ang kaupdanan man sang mga big time drug lord kag negosyante nga si Balong Espinosa sang Koronadal kag Maasim Mayor Anecito Lopez Jr. nga mga financer man sang droga sa probinsya.
Kun madumduman nakumpiskar sang PDEA-12 ang halos P1 milyong nga balor sang shabu kag mga armas kag iban pa nga mga drug paraphernalia sa posisyon ni Valerio.
Ang madinalag-on nga operasyon sang PDEA -12 ang bung sang madalom nga imbestigasyon kag monitoring sang mga nasambit nga personalidad sa iligal nga droga.
