KORONADAL CITY- Nakapagkit sang tatlo ka panibag-o nga wildfire ang Northern California kum diin nilibo ka mga residente ang una nga ginbakwit bangud sa malapnagon nga sunog nga nagluntad sa bahin sang Sonoma, Napa kag Mendocino counties.
Sa interbyu sang Bombo Radyo Koronadal kay Peter Jabido, Filipino nurse sa San Francisco California, USA magluwas sa mga apektado nga residente apektado man ang negosyo kag kumpanya sang wine sa nasambit nga estado kun diin ginakabalak-an nga magtuga ini sang krisis sa suplay sang wine sa bug-os nga Amerika.
Ginkumparar naman sang Pinoy nurse sa impyerno ang nagluntad nga sunog labi na kag tuman kainit ang panahon didto bangud asa wildfire.
Nahibaluan nga wala-tuo man ang pahanumdom sang mga health experts nga likawan nga maguwa sa puluy-an bangud sa polusyon sa hangin nga dala sang malapnagon nga sunog nga possible nga magtuga sang seryoso nga sakit.
