KORONADAL CITY – Ginpasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang isa ka anay Brgy. Councilor makaligad maarestar sa ginpatigayon nga operasyon sang PDEA -12 kag Municipal Anti-Drug Abuse Council ukon MADAC sa banwa sang Banga,Sooth Cotabato.
Sa interbyu sang Bombo Radyo Koronadal kay Barangay Chairman Jimmy Sancio sang Barangay Liwanay, ginkilala sini ang suspek nga si Joseph Benes Apeliado Atensor yara sa legal nga edad kag residente sang Prk. Masinadyahon Bo. Liwanay Banga South Cotabato.
Narekober sa posisyon sini ang 2 ka pakete sang shabu, mga drug paraphernalia, cellphone kag drug money.
Nahibaluan nga si Atensor ang yara sa drug watchlist sang mga otoridad kag ginakabig nga bigtime pusher sa ila nga lugar.
Sa subong, napreso na ini sa lock up cell sang PDEA 12.
