KORONADAL CITY – Isa ang patay samtang isa naman ang pilason sa natabo nga pagsideswipe sang isa ka 10 wheeler truck sa isa ka motorsiklo sa banwa sang Isulan, Sultan Kudarat.
Ginkilala ang napatay nga si Michael Apinton Celis, 28 anyos, nga residente sang Caños Subdivision, Tacurong City nga backrider sang motorsiklo nga minamaneho ni Jason Magbanua Catabihan.
Sandig sa report, ginausoy sang motorsiklo ang dalan padulong sa round ball sang banwa sang Isulan sang hinali nga mag-overtake sa nasambit nga truck apang aksidente nga nasag-id ang motorsiklo.
Bangud sa natabo, nagtabog ang backrider nga si Celis sa idalom sang truck nga nagresulta sang gilayon sini nga kamatayon samtang gindala naman sa Sultan Kudarat Provincial Hospital kag yara na sa luwas nga kondisyon ang drayber nga si Catabihan.
Sa subong, yara na sa kustodiya sang Isulan PNP ang drayber sang truck.
