KORONADAL CITY– Tiyansa na suno pa para sa mga undocumented Overseas Filipino Workers ukon OFW sa pungsod Saudi Arabia agud gilayon na nga makauli sa Pilipinas matapos nga liwat naman naghatag sang extension ang Saudi Government sa ila amnesty program.
Ini ang ginkumpirmar ni Bombo Radyo Koronadal Correspondent Boyet Forro.
Suno kay Forro, magasugod ang processing sang mga dokumento sa Setyembre 25,2017 apang wala pa ginpabalo kun san o ini magtakop.
Ang amnesty program ang para sa mga OFW nga indi legal ang pagpadulong sa pungsod ukon mga undocumented OFWs ukon mas kilala sa tawag nga TNT.
Sa impormasyon, nakit an suno pa sang gobyerno sa Saudi nga matapos ang ila amnesty program madamo sa gihapon sang mga OFW nga nagapabilin sa lugar nga wala sang nagakaigo nga dokumento.
