KORONADAL CITY- Dismayado si Magdalo Representative Gary Alejano sa gin-aprubahan sang kamara nga P1,000 nga budget para sa Commission on Human Rights.
Sa ekslusibong nga interbyu sang Bombo Radyo Koronadal kay Rep. Alejano, isa ka independent body suno pa ang Commission on Human Rights kag indi dapat hilabtan bangud ini ang nagasirbe nga mata kag bantay sa oras nga may bayolasyon ukon paglapas sa tawhanong kinamatarong.
Kaangot sini, wala man nakaluwas ang Duterte administration sa mamalidha kun sa diin posible suno pa nga gina-initan ang CHR bangud sa pagpanghilabot sini sa War on Drugs ni Pres. Rodrigo Duterte ilabi na ang pag-angot sang nasambit nga programa sa Extra Judicial Killings makaligad pila ka myembro sang Philippine National Police nga amuh ang nagapatuman sang nasambit nga programa ang nalamita sa isyu sang pinatyanay.
Samtang gin-insister sang mamalidha nga indi deserve sang CHR ang P1,000 nga budget rason nga isa suno pa ini sa wala nagboto pabor nga hatagan sang dyutay nga budget ang nasambit nga ahensya apang sa pihak nga bahin nagalaum ini nga pag-abot sa senado maaprubahan kag mabalik ang P600 Million na budget sang CHR.
