KORONADAL CITY- Nagapabatyag na suno pa ang pila ka myembro sang ISIS-Maute sa Marawi nga luyag na nila nga magsungka sa Armed Forces of the Philippines sa tunga sang halos 3 kag tunga nga pakig gyera sa militar.
Nahibaluan nga posible nangin epektibo suno pa ang gina-usar nga loudspeakers sang militar nga nagapanawagan sa mga nabilin pa nga terorista nga magsungka na pinaagi sa pagdis-arma sang ila mga kaugalingon kag ubahon ang ila itom nga mga bayo nga simbolo sang pangin myembro sang mga ini sa ISIS-Maute.
Sa isa ka interbyu ginpahayag ni Spokesman Colonel Romeo Brawner nga may yara na suno pa nga feelers kag ginalauman nga sa magasunod nga mga inadlaw may yara na sang magasungka nga mga terorista.
Sa subong ginalauman naman sang AFP nga magatakop na sa madali nga tinion ang gyera agud amat-amat nga mabalik sa normal ang nawasak nga syudad sang Marawi.
