KORONADAL CITY- Dismayado si South Cotabato Governor Daisy Avance Fuentes sa panibag-o nga iskandalo nga ginakaulamiran sang isa ka alkalde sa probinsya kaangot sa alegasyon sang koneksyon suno pa sini sa iligal nga droga kag iban pa nga kriminalidad.
Sa interbyu sang Bombo Radyo Koronadal kay Gov. Fuentes, ginakakibot sini ang pagpatigayon sang raid sang Regional Public Safety Battalion (RPSB 12) sa panimalay sang alkalde sa Brgy. Maltana, Tampakan South Cotabato kun sa diin suno sa gobernadora, ginapabugal pa kun tani sini nga ang mga pumuluyo kag opisyal sang probinsya ang nagasunod sa layi apang makasulubo suno pa ang nasambit nga balita.
Kaangot sini, isa ka dako suno pa nga tampa sa probinsya ang panibag-o nga insidente sang raid kun sa diin target si Tampakan Mayor Leonardo Escobillo.
Samtang nagalaum naman nga mapamatud-an sang alkalde ang iya kaugalingon sa ginpatigayon nga imbestigasyon sa tion nga ini ang wala sang kaangtanan sa iligal nga aktibidad kag tigayon malimpyuhan ang iya pangalan.
Kaangot sini, gin-insister ni South Cotabato Governor Daisy Avance Fuentes nga dapat isurrender na sang mga local officials ang ila mga armas luthang ilabi na kun wala sang mga nagakaigo nga lisensya kag likawan nga ma-involve sa anuman nga kriminalidad.
Dugang pa sini nga dapat maghalong suno pa ang mga opisyales kag maghimo sang nagakaigo nga butang ilabi na nga wala na sang ginapili ang mangin target sang operasyon ilabi na nga yara man sa idalum sang Martial Law ang bug-os nga Mindanao.
Pahayag pa sang Gobernadora nga indi sini mahimo nga apinan ang mga opisyal sa oras nga maulamid ang mga ini sa kasubong nga mga insidente rason nga dapat magsunod sa layi.
Ginpahayag mismo sa Bombo Radyo Koronadal ni South Cotabato Governor Daisy Avance Fuentes nga wala suno pa ini nagkulang sa paghatag sang pahanumdum sa mga opisyal sa probinsya ng South Cotabato ilabi na sa mga alkalde nga kun may yara sang mga armas dapat isungka na agud nga malikawan nga mangin target sang raid sang kapulisan ilabi na nga pila ka insidente naman sang raid sa probinsya ang ginakaulamiran sang mga opisyal kag masa makumpiskar ang mga armas.
Dugang pa sini nga kun may yara man sang mga myembro sang pamilya sang mga opisyal nga konektado sa iligal nga aktibidad ilabi na sa iligal nga droga kag kriminalidad, dapat isungka na ang mga ini sa mga otoridad agud indi maulamid.
Kaangot sini ginpahamumduman man sini ang mga opisyal kag mga pumuluyo nga mangin vigilante kag indi pagtugutan nga matapakan ang kinamatarong ilabi na sa ginapatuman nga Martial Law sa Mindanao.
