KORONADAL CITY– Nagapadayon pa ang imbestigasyon sang mga otoridad sa nagluntad nga shootout sa banwa sang Pikit, North Cotabato matapos nga mapatay sang mga pulis ang duha ka drug suspek sa ginpatigayon nga anti illegal drugs operation.
Ginkilala ang mga napatay nga sanday Edzrapel Dima kag Basser Maniling nga lunsay residente sang Pagalungan, Maguindanao.
Suno sa report, nakabaton sang tawag ang PNP nga may duha nga ginadudahan nga kalalakihan nga sakay sang tricycle padulong sa Aleosan, North Cotabato.
Gilayon ini nga ginsundan sang mga otoridad apang una suno pa nga nagpalupok ang mga suspek rason nga ginbaslan sang lupok nga nagresulta sang ila gilayon nga kamatayon.
Nakuha sa crime scene ang isa ka unit sang Uzi caliber 9mm kag drug paraphernalias.
Nadala pa sa balay bululngan ang duha apang deklarado nga dead on arrival.
Samtang padayon nga ginahibalo kun miyembro ang mga ini sang organized crime group sa lugar.
