KORONADAL CITY- Ginkumpirmar ni South Cotabato Governor Daisy Avance Fuentes nga nagfile na ini sang kaso sa pinakauna nga tion may kaangtanan sa iya nga Political life.
Suno sa gobernadora iya na nga ginpalab-ot sa National Bureau of Investigation (NBI) ang may kaangtanan sa pagpublisar sang peke nga mga balita nga naga atake sa iya kun sa diin ang mga lunsay ginapublisar dire amuh ang mga akusasyon nga siya ang nagapanugid sa Ombudsman angot sa mga personalidad nga may yara suno pa sang unexplained wealth kag nagapanugid sa PDEA angot sa mga personalidad nga may kaangtanan sa iligal nga droga.
Luwas sini, nagtulod man sa iya nga isang-at ang kaso bangud sa pila ka mga kaupdanan sa pulitika nga ginalamita sa mga peke nga balita nga posible magtuga sa pagdumot sa iya.
Samtang ginpahayag sang gobernadora nga kilala na sang iya kampo ang yara sa likod sang pagpublisar sang mga peke nga impormasyon nga possible isa man ka pulitiko.
Kaangot sini ginhangkat ni South Cotabato Governor Daisy Avance Fuentes ang yara sa likod sang pagpalapta sang mga peke nga balita nga mangin patas kun pulitika lamang ang ugat sang tanan nga pagpangguba sa iya.
Suno sa gobernadora indi suno pa dapat magresulta sa pinatyanay ang isyu sa pulitika.
Ini naman ang rason kun nga-a dapat nga tapnaon ang mga ginapublisar nga lunsay mali nga mga impormasyon.
Luwas sini, gintawag sini nga chismis ang nasambit nga mga impormasyon apang indi sini pagatugutan nga mabutang sa ital-ital ang kabuhi sini kag sang iban pa nga mga kaupdanan sa pulitika.
