KORONADAL CITY– Ginpaidalom sa imbestigasyon ang 3 ka Turkish Nationals matapos maaresto sang 33rd Infantry Battalion sa Mangudadatu, Maguindanao.
Nahibaluan nga nagsulod sa lugar ang mga dumuluong nga wala sang sakto nga koordinasyon sa lokal nga gobyerno kag mga otoridad.
Mismo ang ang mga residente sa Paitan Village ang nagreport sa mga militar nga may 3 nga dumuluong ang nagpadulong sa ila lugar kag indi mahibaluan kun ano ang tuyo rason nga nagtuga ini sang pagka-alarma sa ila kag ginpasibangdan nga mga ISIS agents.
Gilayon naman nga ginpangitaan sang Identification cards ang mga dumuluong matapos ginpahayag nga myembro sila sang IHH Humanitarian Foundation nga isa ka international NGO nga nakabase sa Turkey.
Napamatud-an naman nga mga myembro sila sang isa ka NGO apang ginpahanumduman nga sa madason makig-angot sa mga otoridad ilabi bangud mainit nga ginabantayan subong ang Intelligence report nga nakasulod na ang pila ka myembro sang ISIS-Maute sa ila nga lugar sa Maguindanao nga posible mangin rason sang panibag-o nga Martial Law extension.
