KORONADAL CITY-Nag isyu sang stoppage order si South Cotabato Governor Daisy Avance Fuentes sa 12 ka mga small scale mining sa banwa sang T’boli, South Cotabato.
Ang nasambit nga kamanduan ang resulta pa sang nagluntad nga landslide sang Hulyo 18,2017 sa Sitio Tunnel, Brgy. Kimatu, T’boli, SoCot kag sang resulta sang site investigation sang Municipal Environment and Natural Resources Office sang T’boli, Provincial Environment and Natural Resources Office sang South Cotabato kag Departnment of Environment and Natural Resorces-Mines and Geosciences Bureau sa apektado nga lugar.
Magluwas sini, ginrekomendar man sang Provincial Mining Regulatory Board okun PMRB ang stoppage order rason nga gilayon nga ginmando sang goberna dora nga untatan anay ang operasyon sa pagmina tubtub nga indi makasumiter sang emergency response and preparedness plan kag kun irekomenda na sang PMRB kun luwas na sa katalagman ang nasambit nga lugar.
