KORONADAL CITY– Nagapadayon ang imbestigasyon sang Koronadal City Traffic Office kag Koronadal City PNP sa nagluntad nga vehicular accident sa Matulas, Brgy. Paraiso syudad sang Koronadal.
Sa interbyua sang Bombo Radyo Koronadal, naulamid sa aksidente ang isa ka Wizard Motorcycle nga duag blue kag may plate number nga MA60880 kag isa ka Bongo nga duag black kag may plate number nga ACT9517.
Nahibaluan nga sakay sang motorsiklo sanday Janrey Parcon, nga residente sang Brgy. Sto. Niño syudad sang Koronadal kag isa ka Danilo Cañones, 51 anyos nga residente sang Brgy. Paraiso.
Samtang ang Bongo naman ang ginamaneho ni Dande Atasa, 35 anyos nga residente sang Brgy. Morales Koronadal City kun sa diin sakay sini ang 4 nga helpers.
Nagbungguanay ang motorsiklo kag Bongo kun sa diin nadulaan sang kontrol ang motor kag tunaan sang aksidente kun sa diin ginasiling nga hubog sanday Parcon kag Cañones.
Dead on the spot si Cañones samtang si Parcon ang wala naman nakalab-ot sa ospital.
Si Atasa naman ang nakaangkon sang mga pilas mangin ang mga kaupdanan sini apang yara na sa maayo nga kahimtangan.
Sa subong nagapadayon pa ang imbestigasyon sa nasambit nga aksidente nga tunaan sang kamatayon sang 2 katawo.
