KORONADAL CITY– Ginkabig nga small but terrible ang Koronadaleña nga Topnotcher sa 2017 Medical Technology Examination matapos ini nga magpanguna sa kapin 5,000 nga nagkuha sang eksaminasyon sa pungsod.
Sa ekslusibo nga interbyu sang Bombo Radyo Koronadal kay Marianne Ross Soldevilla, tuman ang kalipay sini sa panibag- o nga achievement sini sa kabuhi ilabi bangud wala sini ginalauman nga magpanguna ini sa nilibo nga nagkuha sang Medtech Licensure Examination.
Tubtub subong wala suno pa naga sink-in sa paminsaron sini ang manami nga balita.
Kaangot sini ginsaysay ni Marianne sa Bombo Radyo ang kabudlay kag sakripisyo nga naeksperyensyahan sini antes naangkon ang kadalag-an kun sa diin sang naga eskwela pa ini nagahibi na lamang sa kabudlay sa pagtuon kag madamo nga school requirements apang nagpadayon ini paagi sa paghatag sang panahon sa iya pagtuon.
Samtang tuman naman ang pagpasalamat sini sa iya nga ginikanan bangudl wala suno pa ini gin pressure nga mag Top 1 sa licensure exam sa baylo ginsuportahan siya.
