KORONADAL CITY-Ginpatigayon sang mga muslim ang isa ka dako nga pagtililipon bilang selebrasyon sang Ei d’l adha okun ang feast of sacrifice sa probinsya sang South Cotabato.
Una na nga ginpahayag sa Bombo Radyo ni South Cotabato Muslim Affairs Chief Sultan Mutalib Sambuto nga alas 7 subong nga aga nagsugod ang ila Sambayang kag ginsundan sang kanduli okun ang tradisyunal nga selebrasyon sang mga muslim.
Dugang pa sang opisyal nga indi naman lip ot nga apektado ang nasambit nga selebrasyon sa subong nga sitwasyon sa iban nga bahin sang Mindanao ilabi na ang nagapadayon nga mga engkwentro sa Maguindanao kag Marawi Seige rason nga nagpanawagan ini nga kun mahimo indi na magsambayang sa mga open areas apang ipatigayon nalang sa ila tagsa ka mga mosque.
Paathag sang opisyal nga apisar malinong ang probinsya, indi sa gihapon dapat magkumpyansa agud nga malikawan ang mga kinagamo.
Highlight naman sang nasambit nga aktibidad ang malapiyesta nga handaan kag pag ihaw sang madamo nga baka kag kanding.
