KORONADAL CITY– Naturn over na sang Moro Islamic Liberation Front okun MILF sa mga otoridad ang tatlo ka tinawo ni Kumander Abo Toraife sa nagapadayon nga bakbakan sa Datu Salibo, Maguindanao.
Natikma ang tatlo makaligad mamutikan nga sakay sang bangka agud nga magkuha sang pagkaon kun sa diin armado pa sang mga highpowered firearm.
Madumduman nga pila ka semana na ang nagapadayon nga bakbakan sa tunga sang MILF kag BIFF sa Maguindanao kun sa diin na na nga ginpahayag nga 15 na ang napatay sa MILF kag indi pa madetermina sa bahin sang BIFF.
Una sini, nagpromisar ang MILF fighters nga indi nila pabay-an nga makaguwa sa Maguindanao ang mga BIFF agud nga mabuligan pa ang mga Maute ISIS sa Marawi City.
Ang tikang sang MILF ang agud ipakita sa gobyerno nga sila ang seryoso agud nga maangkon ang kalinong sa Mindanao ilabi na sa probinsya sang Maguindanao.
