KORONADAL CITY– Naglab-ot sa 1.4 million pesos, 15 ka pakete sang ginapatihan nga droga klag madamo nga alahas ang narekober sang Koronadal City PNP sa ginpatigayon nga search warrant implementation sa San Antonio, Phase II, Barangay Sta. Cruz, Koronadal City.
Subject sa nasambit nga implementasyon ang mag-asawa nga Aga Khan Sarip kag Norania Sarip kun sa diin empleyado si Norania sa Department of Social Welfare and Development okun DSWD XII.
Kaangot sini, wala naman naab-tan sa ila panimalay ang mag-asawa bangud yarasa Maynila ang ma ini.
Apang gindala naman sa istasyon sang pulisya ang tatlo ka helper sang mga ini nga sanday Samer Maruhom kag mag-amay nga Nashib kag Ashradin Alyudin.
Sa pihak nga bahin ginkalughog man ang panimalay sang otod ni Norania nga si Sagat Maruhom kag ginpahayag sa Bombo Radyo na wala siya sang ihibalo sa nasambit nga mga droga bangud legal suno pa ang ila mga negosyo nga car buy and sell.
