KORONADAL CITY– Ginpahayag ni 27th IB, PA Commanding Officer Lt. Col. Benjamin Leander nga New Peoples Army okun NPA ang yara sa likod sang paglubong sa duta sang mga narekober nga bomba sa Sitio Lampuco, Barangay Lamba, Banga, South Cotabato.
Suno sa opisyal, kabug-usan nga walo ang bomba nga nakotkot sang militar kun sa diin tatlo diri ang kasubong kadako sang balde ang isa ka bilog nga sarang baliskaron ang isa ka dako nga truck samtang ang lima ang mga Improvised Explosive Device okun IED nga may yara sang mga ginlagari nga salsalon kag lansang.
Dugang pa ni Lt. Leander nga dako man ang nabulig sang mga natikma nga NPA members sang nagligad nga bulan sang Hulyo kun sa diin isa diri ang mataas nga lider sang NPA.
Sa impormasyon nga nabaton sang militar, ginbalhin balhin pa ang mga bomba bangud bal-an sang ini nga ginapangita sang mga soldado.
Kalakip naman sa gina-imbestigaran subong ang tag-iya sang balay kun sa diin malapit nakotkot ang mga bomba.
