KORONADAL CITY-Magapaguwa sang P100,000 bilang reward money ang Local Government Unit sang President Quirino, Sultan Kudarat.
Ini ang gin anunsyar sang Pres. Quirino Mayor nga si Azel Mangudadatu agud nga mas mapadasig ang pagkatikma sa riding in tandem nga nagpatay sa isa ka columnist nga si Leodoro Diaz.
Madumduman nga ginluthang patay ang mamamahayag samtang padulong sa Tacurong City agud magkuha sang iya nga report.
Kaangot sini kumpirmado nga magpadulong sa Sultan Kudarat si Task Force on Media Security Undersecretary Joel Sy Egco agud personal nga mag-obserbar sa ginahimo nga imbestigasyon sang mga otoridad sa nasambit nga kaso.
Una na nga ginpahayag ni Egco nga iya igarekomendar ang pagpahalin sa mga local police nga wala sang ginahimo nga tikang sa mga nagaluntad nga media killings.
