Columnist nga ginluthang patay, may death threat; Sultan Kudarat tri-media magtililipon bilang pagpakita sang pagkondinar

KORONADAL CITY-Magapatigayon sangn pagtililipon subong nga adlaw ang tanan nga media practitioner sa Sultan Kudarat agud nga ipanawagan ang hustisya kag agud kundinahon ang pagpatay sa isa ka columnist sang Manila Bulletin nga si Leodoro Diaz nga ginluthang patay sang riding in tandem sa banwa sang President Quirino kahapon.

Kaangot sini, nagapati ang pamilya sang mamamahayag nga may kaangtanan sa iya trabaho ang pagpatay kun sa diin ginkumpirmar nga una na nga nakabaton sang death threat apang wala na ginsambit pa kun sin-o ang suspek.

Nahibaluan nga si Diaz ang isa sa mga media nga wala sang ginakahadlukan nga iwaragwag ang mga isyu may kaangtanan sa mga droga, pulitika, kurapsyon kag iban pa.