Lalaki gintadtad sang buno nasapwan sa Banga, South Cotabato

KORONADAL CITY– Nagapadayon ang imbestigasyon sang Banga PNP angot sa isa ka lalaki nga biktima sang pagpamuno nga nasapwan sa Brgy. Liwanay, Banga South Cotabato.

Nahibaluan nga nasapwan ang nasambit nga bangkay nga nagapaligo sa kaugalingon sini nga dugo apang tubtub subong wala sa gihapon mahibaluan ang identity siini makaligad nga wala sang ID okun anuman nga palatandaan kun taga diin ini.

Sa subong ang bangkay ang yara sa isa ka punerarya sa banwa sang Banga kag nagapanawagan ang Banga PNP nga makig-angot sa ila kun may mga himata nga nadula.