KORONADAL CITY- Liwat nga ginbanatan ni Magdalo Representative Gary Alejano ang pamunuan sang Philippine National Police bangud sa makadismaya suno pa nga pagpatuman sang layi sang kapulisan angot sa war on drugs ni Pangulong Rodrigo Duterte.
Sa ekslusibo nga interbyu sang Bombo Radyo Koronadal sa isa sa mga kritiko sang Duterte administration, ginpahayag ni Rep. Alejano nga kulang suno pa sa training ang kapulisan ilabi na sa pag-execute sang raid kun sa diin maulamid ang mga indi dapat maulamid.
Dugang pa sini nga dapat suno pa nga imbestigaran anay sang mga otoridad agud nga malikawan ang ilegalidad ilabi na sa kampanya batuk sa iligal nga droga.
Samtang ginkaalarma man sini ang paagi sang pagpatay sa mga alkalde nga ginasiling may koneksyon sa iligal nga droga kasubong nanday Albuerra Leyte Mayor Rolando Espinosa nga ginhungod suno pa nga patyon sa sulod sang presuhan, pag masaker suno pa kay Mayor Reynaldo Parojinog kag pag ambush naman kay Datu Saudi Ampatuan, Maguindanao Mayor Samsudin Dimaukom.
Pahayag pa sini nga suportado niya ang kampanya batuk sa iligal nga droga apang kinahanglan lamang nga ipatigayon nga wala sang madihon nga problema.
