KORONADAL CITY-Madinalag-on ang ginpatigayon sang tingob pwersa sang 39th Infantry Batallion, Makilala PNP kag Public Safety Batallion nga pagserbe sang search warrant sa panimalay sang isa aka Sergio Rebuta sa Barangay Biangan,Makilala, North Cotabato.
Nakumpiskar sang raiding team ang nagkalain-lain nga sahi sang Improvised Explosive Devised okun IED, mga bala, detonating battery,armas kag mga wire nga ginapatihan gina usar sa paghimo sang bomba.
Sa impormasyo sang Makilala PNP, madugay na nga target ang nasambit nga suspek bangud sa impormasyon nga pagtago sini sang mga eksplosibo.
Ang Barangay Biangan, ang kilala nga kuta sang mga New Peoples Army rason nga ipaidalum pa ini sa imbestigasyon kun ini ang may kaangtanan sa rebelde nga grupo.
Sa subong naka nakadetina na ini sa lock up cell sang Makilala PNP.
