KORONADAL CITY-Gin anunsyar na ni Koronadal City Mayor Peter Miguel ang paghatag sang City Government sang Koronadal sang 250 pesos sa kada matudlo nga nagapanigarilyo sa mga public places sa syudad.
Ini kasunod sang Executive order #26 ni Pangulong Rodrigo Duterte kag ginpapag-on pa sang Anti Smoking Ordinance sang Sangguniang Panlungsod.
Kahapon sang ginsuguran ang implementasyon sini sa Koronadal City kun sa diin naglab-ot sa kapin sa 30 ang nasampulan.
Sa napasar nga ordinansa ang 1st offense: P500, 2nd offense: P1,000, 3rd offense: P2,000 kag pagkapreso sang 1 tubtub 6 ka bulan depende sa korte ang 4th offense.
Kaangot sini wala naman nagabaton ang Local Government Unit sang community service rason nga sin-o mana ang matikma ang magapabilin sa holding area sang PNP tubtub nga indi ini mabayad.
