KORONADAL CITY– Pasakaan na sang kaso nga pagbayular sa RA 9165 okun Comprehensive Dangerous Drugs Act of 2002 kag pagbayular sa RA 10591 okun Illegal Possession of firearms and ammunition ang 9 katawo nga natikma sa ginpatigayon nga search operations sa Prk. Malipayon Brgy. Topland, Koronadal City sa pagpanguna sang Regional Public Safety Batallion-12, PDEA 12, PNP-SAF , CADAC, KORONADAL CITY PNP.
Sa interbyu sang Bombo Radyo Koronadal kay Koronadal City Anti Drug Abuse Council Officer Dr. Glorio Sandig ginkilala ang mga naaresto nga sanday Joseph Glenn Carreon anay empleyado sang City Government 37 anyos, Gabriel Carreon 45 anyos, Bernadette Carreon 43 anyos , Pedro Carreon 72 anyos isa ka mangunguma, Jesselyn Palalay 44 anyos, Henry Palmes 44 anyos, Kris Egasan 26 anyos laborer, Mark Lester Dinglasan 29 anyos kag Eric Cordero nga anay miyembro sang 33rd IB Philippine Army nga nag AWOL sa serbisyo.
Sa nasambit nga operasyon isa naman ang nakalagyo nga ginkilala kay Lester Carreon 42 anyos nga padayon pa nga ginapangita sang mga otoridad.
Samtang narekober naman sa mga natikma ang nagkalain-lain nga sahi sang mga armas kag mga bala, hand grenade kag kabug-usang nga 200 grams sang shabu nga may balor nga wala naganubo sa 2.5 million pesos kag mga drug paraphernalia.
Nahibaluan nga ang mga nadakpan ang mga myembro sang notoryus nga grupo nga nagaduso sang droga sa probinsya sang South Cotabato kag mga kaiping nga probinsya.
Source suno pa sang ila iligal nga droga ang gikan pa sa probinsya sang Maguindanao kag syudad sang Cotabato
