KORONADAL CITY-Nagapabilin sa gihapon nga mataas ang moral sang mga soldado sa South Central Mindanao sa pihak sang wala tuo nga engkwentro kag pagpang-atake sang nagkalain-lain nga rebelde nga grupo.
Ini ang ginpahayag ni Captain Arvin Encinas ang tigpamaba sang 6thInfantry Division, Philippine Army sa eksklusibo nga interbyu sang Bombo Radyo.
Ulihi nga panghitabo ang nagluntad nga pagpang ambush sang ginapatihan nga Bangsamoro Islamic Freedom Fighters sa bahin sang Barangay Rajah Buayan, Maguindanao nga ginkapilas sang siyam nga mga soldado.
Pahayag sang opisyal, ginpasigabungan ang mga soldado samtang nga nagaagi sa dalan apang maswerte sa gihapon nga nag igo ang mga sharpnel sa ila mga paa kag kamot rason nga wala napuruhan.
Gilayon naman nga nakabalos sang lupok ang mga soldado rason nga wala na nahimo pa nga palapitan sang mga armado nga grupo kag gilayon nga nagpalagyo matapos mahibaluan nga mag abot na ang mga pulis kag suldado gikan sa mga kaiping nga detachment.
Dako naman ang pagpati ni Capt. Encinas nga may yara sang casualties sa BIFF.
