KORONADAL CITY– Agaw atensyon sa probinsya sang Sultan Kudarat ang alkalde sang Lutayan, Sultan Kudarat matapos mag-intra sa ginapatigayon nga training sang militar batuk sa mga terorista nga grupo.
Nahibaluan nga bangud sa nagasaka nga security threat sa Sultan Kudarat kag sa kaiping nga probinsya kasubong sang South Cotabato, Maguindanao kag North Cotabatom napinsaran sang 28 anyos nga si Mayor Princess Rihan Mangudadatu Sakaluran nga makigbahin sa combat training nga ginapatigayon sang 33rd IB sa Makabayan Battalion camp sa Tual Village, Pres. Qurino Sultan Kudarat.
Suno sa mentor sini nga si 33rd IB commanding officer Lt. col Harold Cabunoc, madasig nga makatuon ang alkalde ilabi na sa pag uyat sang armas kun sa diin kumpyansa ini nga masarangan sini nga magpanguna sa pagdipensa sa ila nga lugar.
Tinutuyo sang bata nga alkalde nga mapakigbahin man ang ihibalo sinisa mga constituents agud makaangkon sang ideya kun paano madipensahan ang ila nga lugar sa oras nga may magluntad nga pagsalakay kag iban pa nga paandam sa seguridad.
